Meri Aama

खै के भनी सम्बोधन गरौ तिमीलाई 

तिमी नै आकाश, तिमी नै धर्ती

सारा संसारको रचना तिमी

माया र ममताको खानि पनि तिमी

नहोस् कसैलाई पनि आमा तिम्रो कमी||

गर्व छ मलाई हुर्के म तिम्रो गर्भमा

सिकायौ मलाई बिस्वास् गर्न कर्ममा

आस्था छ मलाई तिमीले दिएको धर्ममा

हिंड्नेछु सधैं तिमीले डोर्याएको सुमार्गमा 

केबल तिम्रै सन्तान रहु हरेक जन्ममा||

तोतेबोलीले आमा भन्दै हिड्थे म

तिम्रो पक्षऔरिको फेद समाती रुन्थे म

तिम्रो काखमा लुटुपुटु गरी सुत्थे म

तर आज यो तिम्रो भुन्टे ठुलो भईसकेछ

तिम्रो मायाको मान राख्न्नसक्ने भएछ||

शायद त्यो बालपन त अब नफर्केला

तोतेबोली ले आमा भन्न त नसकिएला

तर तिम्रो रक्षा अबस्य नै गर्नेछु

तिम्रो दुधको भारा पक्कै तिर्नेछु

यो मन मन्दिरमा सदा तिमीलाई पुज्नेछु||