"समय बाँझै छ!"

बुख्याँचाले अझै लडाईँ ओगटेका छन्
साला मूसाहरुले दाईँ ओगटेका छन्
बैंशालु समय अझै बाँझै छ
बूढा गोरुले अझै गाई ओगटेका छन्!

View/Share this post only

"नेता"‍‌‍‍‍‍

बिहान रिबन काट्दै मसंग उल्टो कुरा छाँटे
दिउँसो तिमीसंग कुराको अर्कै चुल्ठो बाटे
यसरी दिनभरि क-कस्को दिमाग चाटे कुन्नि
साँझ के परेथ्यो, आफैंलाई पनि ढाँटे!

"नेताले भोज खाए"

लोकले देख्यो, नेताले मजाले 'भोज' डकारे
बाहिर पो तेत्ति मात्रै, भित्र कुन्नि के के सकारे!
नयाँ 'क्रान्तिकारी' भाषणको 'अर्डर' दिएर सुते नेताजी
बिहान उठ्नासाथ एक राउण्ड चर्को 'लालसलाम' खकारे!

View/Share this post only

...बिहान उठ्नासाथ एक राउण्ड चर्को 'लालसलाम' खकारे!..

gajab chha! :)

"माग्नेहरु"

'नहुने'हरु त नभएर मागिरहेछन्
तर, 'हुनेहरु' चाहिँ के मागिरहेछन्?!
'माग्ने'हरुको हूल ठूलो, 'दिने' कल्ले?
'दिन' भनेर बसेकाहरु, आफैं मागिरहेछन्!

View/Share this post only

Wah Wah Wah
gajab chha!

Neta ji lai sapana vayo:
नयाँ 'क्रान्तिकारी' भाषण' दिएर सुते नेताजी
न्यू रोड् तिर दुई चार जना नाङ्गै देखें
Ref: Gautam B. and grishma

मेरो पनि एसो एक टुक्रा मनको खुल्दुलि राखु कि भनेर।

पागलपन


भन्न नहुने कुरा तिमीले भन्यौ र निर्धक्क गयौ,
मैले नबुझेको नाटक गरे अनि फेरी रातभरी रोइ रहे,
तिमीलाई स्पष्टिकरण दिन्छु भन्दाभन्दै निको भैसकेको घाउ दुखाइ राखे।
हाम्रो सम्बादको कुनै सम्भावना छैन, तिम्रो नाममा मेरो जीवन बाकि राखे।

नयाँ 'क्रान्तिकारी' भाषण' दिएर सुते नेताजी
बिहान उठ्नासाथ YCL ्को 'लालसलाम' Sweekare (accepted)

I liked from unfrenrites. Really 'PAGALPAN'

भन्न नहुने कुरा तिमीले भन्यौ र निर्धक्क गयौ,
मैले नबुझेको नाटक गरे अनि फेरी रातभरी रोइ रहे,
तिमीलाई स्पष्टिकरण दिन्छु भन्दाभन्दै निको भैसकेको घाउ दुखाइ राखे।
हाम्रो सम्बादको कुनै सम्भावना छैन, तिम्रो नाममा मेरो जीवन बाकि राखे।

लौ मेरो पनि चौवन्नी मुक्तक

पक्का नेता त्यो हो,
जस्ले भाषण गर्दा खूब ताली खन्छ।
तर घर पुग्ना साथ
श्रीमतिको बेस्मारि गाली खन्छ।

तीन मुक्तकहरु

-१-
किन मध्यदिनमै बर्बराउने भेष छ?!
मलाई बिर्स्यौ?! कि खल्तीमा अर्कै आदेश छ?!
कुद्नेले हार्ने प्रतियोगिता गर्दैछौ शायद
बूढा घोडाहरुको रेस छ!


-२-
आफ्नो कद आफैं घटाउँदै छन्
मान्छेहरु आफ्नै टाउको कटाउँदै छन्
आत्मघातमा पनि गौरव गर्दा रहेछन्
आफ्नै इतिहासलाई धूलो चटाउँदै छन्!

-३-
'जब मेरै खल्तीमा पूरै देश छ,
जनताले राजनीति नबुझेकै वेश छ।'
'देश चलाउनेको योग्यता?' मैले कोट्याएँ
'हेर, यी पूरै पाकेको केश छ!'

नमस्ते !

जानै पर्ने पराही घर
छोरी जात् भए पछी
नदुखाउनु चित्त छोरी
अरुले नरा म्रो बोले पनि
सुन्नु धेरै बोल्नु क म्
अब देखि छोरी तिम्ले
हा हा गरी हास्ने होएन
मुसुक्क मात्र हास्नु तिम्ले
नझर्किनु न फ न् किनु
कहिले पनि अब देखि छोरी तिमि
रिझाएर् घर् का सब् लाइ
बस्नु पर्छ भन्नुहुन्छ
मेरि मामु पनि

सहभागिताको लागि धन्यवाद तृष्णाजी! अरु रचना पनि राख्दै जानुस्।
*********************

यी दुई मुक्तकचाहिँ पोहर यहि ताका रचित 'ताजा' मुक्तक हुन्। अन्त कतै राखिसकिएको पनि हो।

"होशियार -१"

बहुदलमाराले संविधानसभाको भाषण पस्किए
नाती जर्नेल पनि लोकतन्त्रसंग मसक्क मस्किए
बजारमा खरानीको अभाव हुँदैछ चाँडै-
हिजो राति एक हूल 'नयाँ जोगी' निस्किए !


"होशियार -२"

छेपाराहरु रंग बदल्न सक्छन्
स्यालहरु हुइँय्याको प्रसंग बदल्न सक्छन्
नदेखिने दाराहरु पनि छन् ब्वाँसाका-
होशियार! पाठा खाने ढंग बदल्न सक्छन्!

View/Share this post only

आह ! धेरै राम्रा मीठा र चोटिला मुक्तकहरु .
नराम्रै भए पनि एउटा मेरो पनि । र, मैले यसलाई मुक्तककै रुपमा लेख्ने प्रयाश गरेको छु ।

मनको साथी
सुनेथे, मनको साथी सधैं मनै हुन्छ भनेर
ठानेथे, मनको भाव सधैं मनैले बुझ्छ भनेर
तर थाह थिएन सर्पले सर्प खाए खाए जस्तो
एउटा मनले अर्को मन कटक्क खान्छ भनेर ।

शिव प्रकाश
जुन ०६ २००७

नमस्ते सबैलाइ मेरो,


म पनि एक थुङा राखौ है यो धागोमा। सबैको राम्रा राम्रा रचनाहरु देखेर आफुलाइ रोक्न सकिन मैले पनि।

शिर्सक चहि छैन है यो मुक्तकको।


हरेक कुराको कारण हुदैन भनेको थियौ तिमीले,
यो मनसङ युद्ध सकिएको धेरै भैसक्यो मेरो,
मनले कहिले मलाइ बुझ्न सकेन,
र मैले मनलाइ कहिले पढन सकिन,
अझै जोख्न चाहन्छौ भने तिम्रो मुल्य मान्यताको तराजुमा,
सक्छौ भने मेरो मनलाइ झिकेर लग र अनुसन्धान गर,
बाटो छुटेको एक युग पछि पनि मैले किन तिमिलाइ भुल्न सकिन?

Connection Failure

धन्यबाद राहुल दाइ!

अर्को एउटा पनि;