पहिले त सोचे ,
सोच्नलाई पनि कारण चाहिन्छ,
बिना कारण सोच्न कहाँ पाइन्छ |
संकीर्णताले छोयो,
जडसुत्रिय धारमा बग्दै थियो
बग्दै के -----दगुर्दै थियो
रेशको घनिभूत बिजमा
सोचे --
हार्नको लागि दगुर्ने ...
एक्लै कुदे'नि पक्कै हार्छ |
उत्सर्गको बिन्दु छ,
अहंकारको संसर्गमा...
आलंकारिक मधुरता लिएर बग्ने
रातो रंग
परिभाषामा रगत होला
परिचयमा चेतना,
सोचे ---
कतै बिस्तारबादको सूचक त होइन
या मानसिक विडम्बना !!
अम्बलीकरण भयो |
मतियारहरु बैचारिक ओजमा बस्दा
स्वचालित अन्तरबिरोधको
अनुशरण कसले गर्छ..
कसको हैसियत ?
सोचे ---
षड्यन्त्रकारी दर्शन इतिहासको पन्नामा लेख्ने
भबितब्यका सन्तानहरु नै त हुन् |
आवश्यकताको बन्ध्याकरण
एउटा जीवन ...
एउटा दाउपेच ...
संशोधनवादी मार्गचित्रमा अविछिन्न
पल्टिदा ...फेरी सोचे,
मुर्कट्टा बन्नेहरु ,नवआयामिक क्रान्तिमा लागे...
सर्वहारा.....गुन्द्रुकमा अमिलो पस्ने प्रतिक्ष्यमा छन् |
Last edited: 26-Jun-12 06:47 PM
