गजल

 

                  राकेश कार्की

                  लस् एन्जेलस्

 

  

 

माया साँच्दा साँच्दै कतै कुहिने पो हो की

मुटु अठ्याउँदा अठ्याउँदै चुहिने पो हो की

 

दिन, हप्ता, महिना, साल सबै बितिसक्यो

खुशीयाली जन्मनु अघिनै तुहिने पो हो की

 

आँधी, बतास, असिनाले हिर्काउँछ घरी घरी

अगाडीको फूलको हाँगा जस्तै नुहिने पो हो की

 

पर बाँधेको आफ्नो बाछालाई टुलुटुलु हेर्दै

रोईरहेकी निरीह गौरी झैँ दुहिने पो हो की

wah wah!!! tara sarai namitho pida bhognu pareko jasto cha hamro mitra le, sorry for that man

राकेस जी

तपाईको गजल धेरै पढ्दै आएको हुं ! 

अब गजलको स्तर बढाउन लय बिधानमा लेख्ने पो हो कि ?

नत्र बहरैमा पो दिने हो कि?

 

यो शेरले मन छोयो -

 पर बाँधेको आफ्नो बाछालाई टुलुटुलु हेर्दै

रोईरहेकी निरीह गौरी झैँ दुहिने पो हो की

 

 

 

 

Saabhar: Email

 

तिमीनै चोर तिम्रै स्वरमा दाबी भए पछि ।

गवाहि तिम्रो जमाना पुरै हाबी भए पछि ।।

 समानताको वकालत मेरो पक्षमा के हुन्थ्यो ?

बैंसालु तिमी तिम्रै ओठ गुलाबी भए पछि ।

 जे भयो हुनु रै'छ कसलाई के गुनासो र ?

भाग्य लेख्ने अझ निष्ठूरी भाबी भए पछि ।

 मुटु चोर्नु टुटाउनु पुरानै त्यो आदत तिम्रो,

हट्थ्यो किने नियतीमै खराबी भए पछि ।

 अतीतका याद मार्दै अलि अलि गर्दै 'सानु'

भुल्दै गाछु तिमीलाई म सराबी भए पछि ।

""तिमीनै चोर तिम्रै स्वरमा दाबी भए पछि ।

गवाहि तिम्रो जमाना पुरै हाबी भए पछि ""....

 

जिरादाईले ल्याउनु भएको यो गजल लेख्ने महानुभाव को पर्नुभएछ कुन्नि, तर मतला र यो शेर  त गजबै रहेछ-

''समानताको वकालत मेरो पक्षमा के हुन्थ्यो ?

बैंसालु तिमी तिम्रै ओठ गुलाबी भए पछि ।'

 

शीरीष गुरुलाई नदेखेको धेरै भयो, कतै व्यस्त हुनुहुन्छ कि?